ابنى مبيعرفش يبلع دايما يشتكى ان فى حاجة قفلة زورة من الجمب الشمال عمل تحاليل صورة دم كاملة وبروتينات وبول الحمدلله كل تحاليلة سليمة بس سرعة الترسيب بعد ساعتين طلعت عالية حاجة بسيطة زيادة 10 عند المعدل الطبيعى وعمل تحاليل غدد الحمدلله سليمة وعمل منظار للحلق وعمل اشعة موجات صوتية عادية الحمدلله كلة سليم وعمل اشعة موجات صوتية وهو بيبلع الدكتور قالة فية نسبة ارتجاع مرئ بسيطة جدا هو مبيشتكيش من بطنة ولا من حموضة ولا حرقان وعمل مزرعة للحلق عمل مزرعتين المزرعة طلعت مكورات عنقودية اخد العلاج بتاعها وكررة مرتين مجبش نتيجة كشف عند 3دكاترة انف واذن وكشف عند دكتور جراح وكشف عند دكتور غدد وكشف عند دكتور باطنة كلة خد العلاج بتاعهم بس لسة بيشتكى من صعوبة البلع من ناحية واحدة وعندة الجمب دة اللى مضايقة وارم حاجة بسيطة من رقبتة دكتور الغدد قال مفيش حاجة ودكتور الاشعة والمنظار بردوا قالوا مفيش حاجة اخد جميع المضادات الحيوية بيتعالج من 8شهور مفيش اى علاج جايب معاة ودايما بيبقى قاعد خايف انة تعبان لفيت بية الدنيا بحالها هو معندوش سخونية ولا الم فى البلع هى مسودة وبتضايقة فى البلع لكن مبتوجعش ومعندوش برد ولا كحة اية راى حضرت يادكتور المزرعة علاجها منفعش واللوز بتاعتة الدكتور قالة مفيهاش حاجة اسيبة كدة مش عارف يبلع كويس ولا دى حالة مرضية ولادى اللوز ومش باينة

سبب صعوبة البلع :

السلام عليكم 

اسباب صعوبة البلع الحادة منذ ايام : 

1. التهاب اللوز


2. التهاب البلعوم 


3. الرشح


4. الانفلونزا


5. هربس الفم


6. وجود جسم غريب في المرىء  

اسباب صعوبة البلع المزمنة المتكررة او منذ فترة طويلة : 

• نقص الحديد


• تدخين السجائر


• التهاب المري بسبب الحموضة و الترجيع من المعدة


• امراض الغدة الدرقية


• تحسس البلعوم


• الاكالازيا او عدم استرخاء المري


• اسباب نفسية مثل الخوف من مرض ما


• التقدم في السن و الشيخوخة


• تضيق المري كما يحدث بعد تناول مواد كاوية


• الخراجة خلف اللوزة


• اورام البلعوم و هي نادرة


• اورام المري و هي نادرة


• مرض تصلب الجلد الجهازي و هو نادر


• التصلب العديد و هو نادر


• بعد الجلطة الدماغية عن كبار السن


• بعض الامراض العصبية النادرة مثل الوهن العضلي


• مرض السل او الدرن


• نقص المناعة 


• نقص الكريات البيض الدوري 

و بخصوص حالة ابنك :

قد تكون الحالة احد ما يلي :

نقص حديد و انصحك بمعابرة فيرتين الدم

او حساسية بلعوم و هنا يفيد اعطاء دواء مضاد حساسية مثل كلاريتين 

او حالة نفسية و هنا يجب استشارة طبيب نفساني

كذلك في حال عدم التحسن او زيادة الحالة سوء فينصح بإجراء تصوير رنين مغناطيسي للعنق و البلعوم

 و ارجو زيارة صفحة الم البلعوم او الزور هنا