لون ترجيع الطفل اصفر غامق
معلومات الإستشارة
معلومات الطفل
معلومات إضافية
نص الإستشارة
اولا : ابنى الان بيرجع من الساعه 12 بليل اديته حقنه كورتبلكس الساعه 2 ونص والان احنا بقينا الساعه 3 الفجر وابنى مابطلش ترجيع بقاله 3 ساعات بينام ويصحى يرجع وبسقيه سوايل كمون وينسون وكراويه وبيرجع برده وهو غير قادر على الترجيع اعمل ايه واديله ايه ؟ هو كان كويس جدا هو النهارده فقط اللى مانع الاكل مش عاوز ياخد غير صدرى والان رافض ياكل ولا يشرب ولا ياخد صدرى حتى .. ولون ترجيعه اصفر غامق
ثانيا : هل لزواج الاقارب صله ان كان الطفل يعانى من ضعف فى زياده الوزن او شئ بالجهاز الهضمى لان ابنى الدكتور بتاعه طلب منى تحليل جينات وراثيه عشان ضعف وزنه لانه بيزيد بالجرامات .. مع العلم انا و زوجى اقارب من الدرجه الثانيه زوجى ابن خالتى وفى نفس الوقت ابن خال ابى والاسره كامله متزوجه من بعضها اقارب فى اقارب
ثالثا : ماهو الاكل واللبن المفيد لابنى حتى يزداد وزنه ويقوى وامتى ادخل لبن عادى من بتاعنا
وهل هينفع ادخل لبن مثل النيدو او بخيره او المراعى او لبن بقرى عادى . وجزاكم الله خيرا على حسن تعاملكم معنا وزوقكم الرفيع
رد الطبيب
لون ترجيع الطفل اصفر غامق
السلام عليكم اخت ام حمزة
المادة الصفراء في المعدة هي مادة الصفراء القادمة من المرارة الى المعدة
و يقوم الكبد بانتاج مادة الصفراء
و يتم تجميعها في المرارة ثم تفرزها المرارة الى المعدة لكي تساهم في عملية هضم الطعام
اسباب لون ترجيع الطفل لاصفر الغامق:
- خلو معدة الطفل او المريض من الطعام ووجود مفرزات المرارة فقط
- وجود انسداد امعاء عند الطفل او المريض
و زواج الاقارب يزيد من احتمال اصابة الابناء بالامراض بما فيها ثقب القلب
و اسباب بطء زيادة وزن طفلك هي :
- نقص وزن الولادة
- زواج الاقراب
- وجود ثقب القلب
- نكررالنزلة المعوية
و تحليل الجينات قد يفيد في كشف بعض متلازمات خلل الكروموسومات
الاكل و اللبن المفيد لطفلك حتى يزداد وزنه ويقوى هو حليب الام بشكل اساسي
و يمكنك البدء بادخال سيريلاك الرز و الخضار و الفواكه المهروسة بكميات قليلة
و بخصوص سبب الترجيع فقد يكون بداية نزلة معوية و هنا سيتطور الامر لحالة اسهال
و اذا لم يحدث اسهال و زاد تعب الطفل يجب مؤراجعة طبيب الاطفال بسرعة
و يجل ارضاع الطفل كثيرا من حليب الام واعطاء محلول منع الجفاف بعد كل ترجيع