قفل فتحه المخ عند الاطفال

معلومات الإستشارة
رقم الإستشارة : 4067
المرسل : ام حمزه
البلد : مصر
التاريخ : 11-03-2018
مرات القراءة : 4447
معلومات الطفل
اسم الطفل : حمزه
تاريخ ولادته : 19-3-2017
عمره : 11شهر و20 يوم
جنسه : ذكر
محيط رأسه : 42سم
الوزن الحالي : 7 كيلو
وزن الطفل عند الولادة : 2 كيلو
طوله : 73سم
تغذيته : حليب الأم
معلومات إضافية
تغذية إضافية : حليب صناعى وبسكويت وزبادى وسيرلاك وشوربه خضار وارز وسمك وفراخ ولحمه وصفار بيض
سوابق هامة : كان عند حمزه ثقب بالقلب مقاسه 5 مل وقفل الحمد لله وهو عنده 5 شهور
سوابق عائلية : الاسره تعانى من قلب وضغط وسكر

نص الإستشارة

السلام عليكم يادكتور لو سمحت حضرتك انا بعت لحضرتك استشاره برسم مخ ورنين مغناطيسى للمخ لابنى حمزه وحضرتك قولتلى انه عنده تبادلات ضموريه بالمخ وانا روحت للدكتور عندنا هنا وقالى انه عنده ضعف فى طبقات المخ وقالى هياخد علاج لمده سنه اسمه ايفالكس ومنه مصرى ومنه مستورد وقالى هنمشى شهر على علاج مصرى وشهر على العلاج المستورد لحد سنه ونعيد الاشعه وربنا يشفيه ..
لو سمحت يادكتور ممكن حضرتك تقولى بالنسبه للعلاج ايهم افضل مصرى ولا مستورد ؟
ولوسمحت دكتور عندى قالى ان فتحه المخ فى نافوخ الطفل قفلت بدرى وهو عنده سنه وده كده غلط ايه عواقف قفل فتحه النافوخ بدرى كده على ابنى ؟
وهل ابنى ممكن يعانى من ضمور فى المخ او اى شئ يؤثر عليه فى المستقبل ؟
انا بعت لحضرتك الجزء اللى دكتور عقب عليه فى الاشعه وقال ان فى فراغ بين عظم الدماغ والمخ والفراغ ده المشكله هلى ده ضمور ولا عدم اكتمال ونقص فيتامينات معينه ممكن ياخد ابنى علاج ليها والمخ يكتمل ويبقى كويس وقالى كمان هو ده اللى مأثر على وزنه وعدم جلوسه حتى الان لو سمحت يادكتور كلام الدكتور عندى صح ولا لا؟ وفاهمينى حاله ابنى بوضوح لو سمحت وطمنى عليه . وجزاك الله خيرا

صورة مرفقة
قفل فتحه المخ عند الاطفال

رد الطبيب

السلام عليكم 

شاهدت الصورة 

 و هي تظهر تبدلات ضمورية 

و يرجح ان قفل اليافوخ المبكر عند الطفل سببه بطء نمو الدماغ 

اسباب قفل اليافوخ الباكر عند الاطفال قد تكون :



  1. اسباب وراثية 

  2. تعرض الجنين للانتان داخل الرحم 

  3. متلازمات انغلاق الدروز العظمية النادرة مثل متلازمة كروزون

  4. نقص الاوكسجين عند الولادة

  5. مجهول السبب


و لكل طفل حالته الخاصة 

و كلام الاطباء عندكم صحيح 

فلا يمكن تقييم مثل هذه الحالات الا من خلال المراقبة الطويلة 

دواء ايفلكس :


تركيب دواء ايفلكس هو :


  • زيت زهرة الربيع

  • اوميغا 6

  • حمض لينولينيك

  • اوميغا 3

  • زيت السمك


و هي مواد منشطة للدماغ و للذاكرة 

و اذا امكن تأمين الدواء الاصلي يكون افضل 

و انصحك بالصبر لأن حالة طفلك تحتاج للمراقبة الطويلة

و  ارجو زيارة صفحة فتحة المخ للاطفال هنا