حول عيون الاطفال

معلومات الإستشارة
رقم الإستشارة : 7805
المرسل : سارة
البلد : سوريا
التاريخ : 6-12-2020
مرات القراءة : 626
معلومات الطفل
اسم الطفل : يسمة
تاريخ ولادته : 10-9-2019
عمره : سنة وثلاثة اشهر
جنسه : أنثى
محيط رأسه : لا اعلم
الوزن الحالي : 9 كغ
وزن الطفل عند الولادة : 2550
طوله : لا اعلم
تغذيته : حليب صناعي
معلومات إضافية
تغذية إضافية : طعام متنوع
سوابق هامة :
سوابق عائلية :

نص الإستشارة

السلام عليكم بنتي من وقت ما كان عمرها سنة لاحظت في حول بعيونها ف اخدتا ع دكتور عيون قلي لسنة ونص ليبين معو اذا في معا شي بعيونا وبعد فترة شهر بلشت لاحظ الحول عم يزداد بعيونا ف اخدتا ع دكتور تاني قلي في عندا ضعف بعيونا درجتين ونص بكل عين وفي حول قلي لازم تحطيلا نظاره لمدة ست شهور ليصير عمرا سنة ونص رجعي راجعيني بلكي بكون تصحح نظرا ونزل الضعف شوي واذا مامشي الحال ممكن نعملا عملية هلق صرلي شهرين مداومتلا علنظاره بس حاسة الحول بعيونا زاد اكتر يعني لما بتشيل النظاره بتبين حولة متل عاده وعيونا بدخلو لجوا فورا هيه بتحط النظاره بطلعو شوي سؤالي هل من الممكن يكون الدكتور والنظاره زادولا حالة عيونا للأسوء كتير خايفة تكون النظاره ضرتلا عيونا وماعاد يرجعو متل قبل وضل كل عمرا تحط النظاره وهل من الممكن بس يصير عمرا سنة ونص يكون في عملية لتصحيح النظر لو معا ضعف بعيونا

رد الطبيب

حول عيون الاطفال


السلام عليكم 

لابد من تحديد محيط رأس الطفل الحالي بدقة 

لأن وزن الولادة ماقص قليلا 2.5 كغ 

و تقولين ان الحول بدأ من عمر سنة و ليس من الولادة

و النظارة لا تزيد الحالة سوء

إنما بعض الحالات تتطور رغم العلاج

و اكثر حالات الحول عند الاطفال ناجمة عن ضعف في عضلا ت العين 

و الامر بحاجة لمتابعة طويلة عند طبيب عيون متخصص في امراض عيون الاطفال 

و ارجو زيارة صفحة حول عين الطفل هنا