ابنى وزنه مابيزيدش وانا كلمت حضرتك يادكتور قبل كده كذا مره الدكتور بتاع ابنى بعتنى لدكتور اطفال وجهاز هضمى فى القاهره وطلب مننا تحاليل حساسيه البان وجينات وراثيه لمعرفه عدم زياده الوزن عند ابنى وطلعت نتيجه التحاليل الدكتور بتاعى هنا بيقولى انه معندوش حساسيه البان فى حساسيه بسيطه للفول السودانى واللوز اما الدكتور اللى فى القاهره بيقول عنده حساسيه البان وكتب علاج ولبن اسمه نيو كيت دلوقتى اللبن ده طعمه وريحته ولا يطاق وابنى مش عاوز ياخده انا دلوقتى فى حيره من امرى.
**هل ابنى عنده حساسيه البان ام لا ؟
**ولو عنده اعمل ايه وامشى على علاج ايه ولبن ايه ؟
** ولو معندوش يبقى ايه سبب عدم زياده الوزن ؟
**وتحاليل جينات الوراثيه فيها حاجه ولا لا ؟
وهل لو انا ضربت الاكل فى الخلاط واديتهوله فى الببرونه اى كان الاكل ياخد فايدته ويديله الفيتامنات اللى محتاجها كأنه اكلها بالملعقه ولا لا ؟
--مع العلم انى ابنى لو اكلته بالملعقه ياخد ملعقتين وخلاص ويبطل ياكل .

-- ملحوظه ابنى سنن من اسبوعين وطلع سن واحده فى الفك السفلى وبيقعد مسند بالمخدات لسه ماقعدش لوحده وبينتبه وبيلعب وبيضحك وبينتبه لاسمه وبيلاغى وبينغن وبيقول بابا بس مقطعه بببابببا و بيمسك اللعبه او الشخشيخه ويمررها من يد لاخرى ولو وقفته بيقف بس على اطراف اصبعه ومنحنى الى الامام وبميل على جنبه اليمين ويقلب على بطنه ويقعد يلعب
استأذنكم تعملوا تعديل فى ارفاق الصور لانه مش بيرضى يرفق اكتر من صوره واحده انا كنت عاوزه ابعت لحضرتك بقيت التحايل معرفتش

طفلي تحسس الطفل من الالبان او اللبن

السلام عليكم اخت ام حمزه

التحاليل تظهر وجود حساسية خفيفة لا اهمية لها من الفول السوداني و اللوز فقط 

و وزن الطفل ناقص و غير طبيعي 

و بخصوص حساسية الالبان فحالة الطفل اهم من التحاليل 

بمعنى انه اذا اكنت الطفل يعاني من اعراض الحساسية عند اخذ اللبن فهذا مؤشر اقوى من التحاليل على وجود الحساسية 

و يمكنك تجربة حليب ليس فيه لبن بقري مثل حليب الصويا او حليب الماعز اسمه كابريتا

و يرجح ان يكون سبب ضعف الطفل و بطء زيادة الوزن هو :

1. نقص وزن الولادة


2. وجود ثقب في القلب


3. صغر محيط راس الطفل  

و تحاليل الجينات غير مرفقة مع الاستشارة و يمكنك ارفاقها مع الاستشارة القادمة

و محيط رأس الطفل صغير جداً 

فأرجة التاكد منه 

فإذا كان مححيط راس الطفل فعلاً 41 سم فهو غير طبيعي و يحتاج الطفل لتصوير الرأس بالرنين المغناطيسي و تقييم عصبي 

و هذا يسبب بطء زيادة الوزن و تأخر حركات الطفل و منها تأخر الجلوس 

و تحضير الاكل للطفل بالخلاط غير ضارو لا يؤثر على الفيتامينات

و لا داعي للعجلة في الغذاء الاضافي لان وزن الطفل ناقص 

و الوزن اهم من العمر من ناحية قدرة الطفل على تحمل الغذاء 

و انصحك بادخال الطعام تدريجيا و بحذر

و ارجو زيارة صفحة تحسس الطفل من الالبان هنا