ماء و ميه على المخ للطفل
معلومات الإستشارة
معلومات الطفل
معلومات إضافية
نص الإستشارة
السلام عليكم يادكتور ابنى حمزه كنت بعت لحضرتك استشاره ليه منذ شهرين وحضرتك شوفت الاشعه وقولت انه عنده تبادلات ضموريه بالمخ اليوم ذهبنا لدكتور مخ واعصاب اطفال وكشف عليه وشاف الاشعه وقال انه عنده ضمور بالمخ خفيف نتيجه نقص الاكسجين عند الولاده او اثناء الحمل واداله ادويه وطلب منى جلسات تخاطب وتنميه مهارات وتدريبات ذهنيه وطلب علاج طبيعى وجلسات علاج وظيفى وقالى ان حمزه عمره الزمنى غير عمره الادائى قالى ان سنه سنة و3 شهور بس هو ادائه 6 شهور فقط او 5 شهور بس لانه لسه مش بيمشى لوحده ولسه بياكل اكل مضروب بلخلاط ولسه مش منتبه وبيقول باااا ومااااا وتى لو سمحت ممكن حضرتك تكلمنى عن الحاله وتشرحلى ايه فايده العلاج الطبيعى وجلسات التخاطب وهل فعلا كلام الدكتور صح وهل الاشعه بتقول كده فعلا وكمان فى دكتور شافت الاشعه بتقول انه عنده ميه على المخ وهو بيحرك راسه يمين وشمال كتير جدا بسببها عشان يهرش فيها من جوه لو جود الميه ديه في بيكتريا وتخمر بالمخ وقالت انه يتمنع من الالبان وكل شئ ينقسم الى نصفين وكلامها ده على اساس تحاليل لحساسيه البان بس كنت بعتها لحضرتك وقولتلى ان مفيش حساسيه البان وعنده حساسيه للمكسرات نسبتها ضعيفه جدا ارجوك افيدنى واشرحلى حاله ابنى مع العلم انه بيمشى على مشايه وحده وبيضحك وبيلعب وعارفنى وعارف باباه وعارفه امى وابى وجزاك الله خيرا واسفه جدا للاطاله على حضرتك نفسى اطمئن على ابنى واى كلام اصح لابنى وحالته واعمل ايه
صورة مرفقة
رد الطبيب
ماء و ميه على المخ للطفل
السلام عليكم
عمر الطفل سنة و 3 شهور
بوجود حجم رأس للطفل يبلغ 42 سم
مع موجودات الصور
و مع تأخر تطور بسيط عند الطفل
فكل ذلك يتماشى مع وجود ضمور دماغي للطفل
كما ان الصورة تبين وجود ميه او ماء على المخ و هي من نوع الماء او الاستسقاء الخارجي و ليس ضمن البطينات
و الاستسقاء او الماء الخارجي يترافق عادة مع الضمور الدماغي
فائدة العلاج الطبيعي و جلسات التخاطب لحالات ضمور الدماغ :
لا يوجد علاج جذري لحالات الضمور الدماغي
و العلاج الوحيد حالياَ هو :
- جلسات العلاج الطبيعي الفيزيائي التي تحسن قدرة الطفل على الحركة
- الدعم النفسي للطفل و دمجه مه الاطفال الطبيعيين
- جلسات التحاطب التي تحسن قدرة الطفل على التواصل واللفظ
- وضع الطفل في مراكز اعادة التأهيل المتخصصة إن امكن