السلام عليكم ورحمة الله وبركاته
لو سمحت يا دكتور انا ابني في الشهر السادس
وبقالو من خمس ايام معدته ما مظبوطه
انا ابتديت ادخله اكل زي بطاطا مسلوقه بخففها خالص باللبن الصناعي اديها له رضعه استريح عليها وكذلك البليله ومياه الأرز وكان مستريح
سمعت في فيديو دكتور بيقول ممكن ادخله صفار البيض
اديتهاله وخففته خالص باللبن
ثلاثه ايام وبعدين ابتدي تعبه
حضرتك لو البيبه بقى أخضر انا اديتله بردو فيتامين انريتش حديد
بس حضرتك هو رجع وريحه الترجيع وحشه
وريحه البراز وحشه جدا
كمان هو دلوقتى بقى يعمل مخاط في البيبي
ودلوقتي بقى يعمل مخاط بس في البيبه فيه زي شعيرات بسيطه دم
اعمل ايه ارجوك علشان انا خايفه
انا اما لاقيت معدته وجعاه روحت الصيدليه الدكتوره اديتلي امريزول قالتلي ٢.٥ س ٣ مرات في اليوم لمده اسبوع
وشربه بابونج
هل دا عادي ولا برد في معدته هو ما سخن الحمد لله ويتحرك كويس
بس بيرفض الرضاعه تماما سواء مني او من الرضعه الصناعيه بياخد بس وهو نايم بيرضع
إلى جانب أن في فمه حاجات بيضه طلعت لما معدته تعبت وبدهنلها مرهم Daktarin gel oral
ها حضرتك كده معدته بتنتنظف من لو كان فيها حاجه ولا كده هو بيتعب اكتر
علشان انا ما بقيت فاهمه حاجه
وشكرا جزيلا

شعيرات دم في براز الرضيع

السلام عليكم 

شاهدت الصورة 

و قوام براز الطفل لين و فيه شعيرات دموية وبعض المخاط

 يرجح ان ما حدث للطفل هو نزلة معوية بسيطة سببها طفيليات الاميبا

و السبب الآخر الممكن هو كثرة الاصناف التي اعطيت للطفل 

خاصة الحليب الصناعي

و الحليب الصناعي قد يسبب نزيف من الامعاء 

علما ان الطفل قبل عمر 6 شهور يجب ان يأخذ الحليب فقط 

و انصحك بما يلي : 

1. ايقاف الحليب الصناعي


2. ايقاف كل انواع الاطعمة المقدمة للطفل 


3. اعطاء الطفل حليب و لبن الام فقط و بكثرة


4. متابعة دواء امريزول و البابونج


5. اعطاء الطفل مضاد فطري مثل ميكوستاتين لمدة اسبوع


6. ايقاف جل داكتارين


7. بعد ان يصبح الطفل 6 شهور او اكثر يعطى الطفل الفواكه المهروسة بالتدريج


8. مراجعة طبيب الاطفال في حال تعب الطفل او ظهور حرارة عالية و ترجيع

و ارجو زيارة صفحة خيوط دموية في خروج الطفل