تسلخات فوطه مزمنه عند الطفل ما بتخفش ابدا
معلومات الإستشارة
معلومات الطفل
معلومات إضافية
نص الإستشارة
السلام عليكم لو سمحتى يادكتور البنوته عندها تسلخات مزمنه مابتخفش ابدا مهما كان فى ادوية ولا كورتيزون بيعمل نتيجه
هيا عندها دلوقت سنه و4شهور ولحد دلوقت مش بتعرف تبلع كويس بترجع لو الاكل مش مهروس ناعم اوى ويكون سائل مثل الشوربة
دكتور هيا كانت بتعمل حمام براز كتير من يوم ماتولدت ممكن 5 او 6 مرات فى اليوم دلوقت زاد اكتر ممكن 9 مرات فى اليوم مجرد ماتاكل اى حاجة يدوب تخلص اكل تعمل على طول حتى لو كانت عملت قبل ماتاكل مباشرة ومش بتعمله اسهال هو طبيعىى ماسك وممكن شبه الامساك وريحته وحشة جدا وممكن تعمل حمام براز بعدها بساعه تعمل تانى عادى جدا
اكلها 1- الفطار زبادى مع ملعقة عسل ابيض بعيش فينو 2- بعدها بساعتين رضعه لبن (لبن المراعى بعد سنه ) وتنام
3- الغذاء مجموعه خضار مهروس (بطاطا بطاطس جزر كوسة قرنبيط باذنجان ) مسلوق مع شوفان مع صدر دجاج ولحم مفروم وعليهم معلقتين رز (بعمل كمين وبحطه فى الفيريزر )
4- بعدها بساعتين رضعه تانى وتنام
5-بعدها بساعه وجبه فاكهة كل يوم متنوعه مابين تفاح جوافه موز اافوكادو عليها ملعقة عسل اسود
وقد اخلط فاكهتين مع بعض
6- العشاء بليله مطحونه فى الخلاط وبعملها مثل المهلبيه بالنشاء وبخلط عليها بيضة مسلوقة
7-ورضعه لبن وتنام
مش بديها رضعه فى وسط الليل بس بتصحى تعمل حمام براز واغيرلها وانيمها تانى
رد الطبيب
السلام عليكم اخت ام ميار
يبدو من خلال ما يحدث مع الطفل ان هناك مشكلة بالحليب
و كثرة الترجيع و كثرة التبرز و التسلخات المزمنة تحت الفوطة تشير الى عدم تحمل الحليب الصناعى او التحسس من الحليب الصناعى
أي انه يمكن يكون لدى الطفل عدم تحمل لسكر او بروتين الحليب الصناعي
و انصحك بما يلي :
- ايقاف الحليب الصناعي او التخفيف منه لحد كبير
- اعطاء الطفل حليب بدون سكر او خالي اللاكتوز FL لمدة 3 اسابيع
- في حال عدم زوال التسلخات على الحليب السابق يمكن تجربة حليب غير بقرى مثل بريجستيميل او نوتراميجين
- عدم اعطاء الطفل الكثير من العصير
- اعطاء الطفل شراب فلاجيل 3 مرات كل يوم لمدة 10 ايام
- اعطاء الطفل شراب فلوكنازول مرة كل يوم لمدة 14 يوم
- تطبيق مرهم او كريم كورتيزون مثل تريديرم لمدة اسبوع فقط
- تطبيق مرهم اوكسيد الزنك باستمرار تحت الفوطة