لوسمحت يادكتور أولا : ابنى بياخد لبن صناعى وبضيف السيريلاك او الخضار المسلوق او التفاح المسلوق او بسكويت الشاى مع اللبن فى الببرونه لانه رافض ياكل بالمعلقه .
هل كده صح ولا غلط ؟
ثانيا : بقاله اسبوعين الستول بتاعه مش مظبوط ساعات بيعمل طبيعى شبه العجينه ولونه اصفر وساعات تانيه وده الاكثر بيعمله جامد ومتماسك جدا . وساعات لونه بيبقى مائل للسواد .
ثالثا : من امبارح وهو بيعيط وبيزن وبيعقد يتشنج من غير سبب بيكون شبعان ومغير ونضيف وواخد دواء المغص دينتونوكس ودواء الانتفاخات اكوا بلص وبرده مش طبيعى .
رابعا : على طول دماغه مائله ناحيه الجهه اليمين يبقى نايم على ظهره ويميل دماغه ناحيه اليمين ويبقى قاعد على رجلى برده بيميل الى ناحيه اليمين او احمله برده يميل الى اليمين ولما بيكون نايم وبيلعب وبيقلب جسمه بيقلبه ناحيه اليمين .
هل ده طبيعى ولا لا ؟
ملحوظه : ابنى رفض يأكل بالملعقه كنت بأكله وجبه كميتها بمعدل ملعقه واحده فقط لمده ساعتين الى ثلاثه . الدكتور بتاعه قالى اديله الاكل فى الببرونه مع اللبن الصناعى حتى يتم الست شهور وهو لحد الان ماقعدش ولا سند دماغه لوحده وبيقعد يتهز شويه لما اقعده . جزاكم الله خيرا على وقتكم الثمين .

الستول بتاع الطفل الرضيع مش مظبوط 

السلام عليكم اخت ام حمزة

خلال الشهور الستة الاولى يجب ان يكون طعام الطفل حليب فقط 

فكمية و عدد انواع الطعام التي تعطيها لطفلك كثيرة و من المبكر ادخال كل هذا الطعام 

يعني انت مستعجلة في إطعام الطفل 

لأن الطفل غير مستعد بعد لتقبل كل هذا الطعام

و الحل الاكتفاء حاليا بالحليب الوالدي فقط

و يعطى الحليب الصناعي عند الضرورة فقط و الافضل الاستغناء عنه لأن وزن الطفل جيد

و الغاء كل انواع الطعام الاخرى او تأجيلها حتى يصبح عمر الطفل اكثر من 6 شهور 

و لا تعطى حتى مع البيبروتة

و عندها يتم ادخال الطعام تدريجيا بكميات صغيرة و الافضل البدء بالفواكه المهروسة و سيريلاك الرز

ثم يزاد كمية و نوع طعام الطفل الرضيع تدريجيا

و الستول بتاع الطفل الرضيع مش مظبوط بسبب نوعية الاطعمة المقدمة للطفل 

 و سيعود ستول الطفل طبيعي بمجرد ايقاف الطعام

و قد يكون لون الستول مائل للسواد بسبب الادوية و الاطعمة

و عياط و تشنج الطفل قد يكون يكون بسبب المغص 

و في حال عدم تحسن عياط و تشنج الطفل يجب الكشف على الطفل عند طبيب الاطفال

و ميلان دماغ الطفل ناحية الجهة اليمين يرجح ان يكون بسبب صعر ولادي و هو ميلان الرقبة بسبب الوضعية التي كان بها الطفل داخل الرحم 

و عند المبتسرين قد يكون بسبب الوضعية الطويلة داخل الحضانة 

و الحل هو العلاج الطبيعي الفيزيائي اللطيف و تمارين الرقبة 

و كل الحالات تتحسن مع العمر و حالات قليلة فقط تحتاج للتدخل الطبي

و انقلاب و حركات الطفل نحو اليمين طبيعية و كل الاطفال يبدأون بجهو واحدة اولا

و لا يوجد تأخر في جلوس الطفل 

 و لكن يجب ان يثبت الطفل رأسه بشكل جيد و هو جالس بعمر 5 شهور 

و يمكن تجربة شد الطفل من يديه و هو نائم ليجلس فاذا لاحظت انه لا يرفع رأسه خلال سحب الطفل للجلوس و لا يثبته بشكل جيد خلال جلوسه بالمساعدة فيجب استشارة طبيب اعصاب الاطفال 

و ارجو زيارة صفحة بدء إطعام الطفل الرضيع هنا 

و صفحة حركات الطفل بعمر 5 شهور هنا