الإستشارة رقم 754

السلام عليكم ورحمه الله وبركاته,
يادكتور أنا أحترت مع طفلي في علاجه لأن الى الأن ماحصلت على العلاج الكافي له هو عنده ربو وأحيانا يقولون حساسية صدر... من الصغر هو كان عنده مشكله في التنفس وقال لي الدكتور عنده ارتخاء في عضله الحنجره وظل اسبوعين بالحضانه ووزنه وقتها كان طبيعي 3 كيلو و 200 جرام ... وعمره شهرين تنوم بالمستشفى لان كان عنده أزيز وكحه ومايرضع وقالو لازم يكون على المضاد لأن الحساسيه اللي عنده شديده وقتها... بعدها الحمدلله ومن ثم لما صار عمره اربعة شهور صار يتعب والى الان عمره 10 شهور مااشوف تحسن واضح في صحة صدره علما بأني رحت لأكثر من دكتور واخذت اكثر من استشاره وكانوا يعطونه الكورتيزون احيانا بالوريد عشان الحساسيه وانا ماكنت مرتاحه لأن طفلي صار وزنه كبير من الأدويه والكورتيزون.. استخدمت له فنتولين وبالكمورت واتروفنت بالبخار وبخاخات الفنتولين والفلوكستايد.. رضع رضاعه طبيعيه مده شهرين فقط وبعدها اعطيته حليب سيميلاك أتش أي للحساسيه وكنت فتره اعطيه بودره سينقولير مع الحليب بالليل بس الى الان احس صدره مانظف وفيه حشجره قويه مايقدر ينام من الضيقه تجيه كحه قويه ماتخليه ينام ويرضع ومع تقلبات الجو بعد احس تزيد عليه ...مع العلم انه الحمدلله الوظائف الحيويه لديه ممتازه يزحف يتقلب يأكل يضحك يتكلم يقول ماما بابا يوقف على الكنبه بحاله يعني ذكي من ناحيه الانتباه والحمدلله ظهرت له اسنان ياكل يعني مافيه اي شي ملحوظ غير اني بغيت صدره يرتاح من الأزيز والخشرجه اللي فيه والضيقه... بغيت اعرف نظام معين اقدر امشي عليه حتى لو بالساعات عشان اعطيه ادويه او لو فيه اي شي طبيعي يساعد على تخفيف حالته لان احس الادويه كثيره عليه وهو طفل صغير..ارجوك ساعدني في حل مشكلت ابني.. الله يرزقك ويوفقك

السلام عليكم أخت اميرة ,
لا فرق بين الربو او حساسية الصدر عند الاطفال الصغار , و يبدو ان طفلك تعرض لحالة عسر تصنع قصبات و رئة و يضاف لذلك وجود العامل الوراثي في العائلة , و لا بد من الاستمرار باعطاء الطفل بخاخات الفنتولين عند اللزوم و بخاخ الفلوكستايد مرتين كل يوم دون توقف , يضاف لذلك شراب ديسلوراتادين مرة كل يوم مساءً باستمرار , وشراب موتيليوم قبل كل طعام و باستمرار , و لا يعطى الكورتيزون الا عند الضرورة , و ستخف حالته كلما تقدم بالعمر إن شاء الله