ابنى يشكو من انخفاض فى وزنه

معلومات الإستشارة
رقم الإستشارة : 3487
المرسل : ام حمزه
البلد : مصر
التاريخ : 31-10-2017
مرات القراءة : 343
معلومات الطفل
اسم الطفل : حمزه
تاريخ ولادته : 19-3-2017
عمره : 7 شهور و12 يوم
جنسه : ذكر
محيط رأسه : 40 سم
الوزن الحالي : 6 كيلو و 420 جرام
وزن الطفل عند الولادة : 2 كيلو و100جرام
طوله : 67 سم
تغذيته : حليب الأم
معلومات إضافية
تغذية إضافية : حليب صناعى و شوربه خضار و ارز وخضار مسلوق وفراخ وزبادى بالبسكويت وسيريلاك
سوابق هامة : ابنى عنده ثقب فى القلب منذ الولاده ومقاسه 5 ملى وحتى الان ماقفل
سوابق عائلية : ضغط وسكر وقلب امراض فى العائله

نص الإستشارة

السلام عليكم
ابنى يشكو من انخفاض فى وزنه بيزيد بالجرامات ابنى وهو بعمر الشهرين وزنه كان 4 كيلو ومن عمر الشهرين حتى السبع شهور زاد 2 كيلو فقط ذهبنا لدكتور اطفال وجهاز هضمى بتوصيه من دكتوره المعالج عندنا فقرر هذا الدكتور بعمل تحاليل حساسيه البان وتحاليل جينات وراثيه عندما رأى ابنى وكشف عليه ووزنه وكشف على عضو الذكرى بتاعه وقالى انه صغير الحجم للغايه .، نتيجه تحاليل حساسيه الالبان طلعت تمام ابنى ليس به حساسيه البان اما الجينات الوراثيه لسه ماظهرتش هتظهر بعد اسبوعين كمان احنا عملناها من اسبوعين وقالى الدكتور هتقعد شهر عقبال ماتطلع .
اولا : ابنى وزنه ضعيف ولسه ماقعدش لحد دلوقتى
مع العلم انه بياكل كويس وبيرضع طبيعى وصناعى وبياخد لبن اسمه نان كمفورت ماذا افعل ؟
ثانيا : لو تحليل جينات الوراثيه قال انه مفيش حاجه اعمل ايه وتبقى المشكله عند ابنى فى ايه ؟
ثالثا : دكتور اللى روحناله قالى لو التحاليل طلعت كويسه هوجهك تروحى لدكتور غدد اسمع كلامه ولا لا ؟
رابعا :الدكتور قالى ان حجم العضو الذكرى بتاعه صغير جدا هل فى ذلك خطر عليه او فى خطا فى تكوينه الجسمانى .
خامسا : ابنى سقف لسانه عند نص لسانه لحد تجويف الزور لونه اخضر بقاله من امبارح الصبح مش عارفه ده ايه ؟
افيدونى افادكم الله وأدامكم الله بالصحه والخير وجزاكم الله خيرا عنا .

رد الطبيب

ابنى يشكو من انخفاض فى وزنه


السلام عليكم اخت ام حمزة 

وزن الطفل منخفض و لكن ليس كثيرا 

و لا يدعو للقلق 

و الطول جيد

سبب انخفاض وزن الطفل هو نقص وزن الولادة 2.1 كغ و وجود ثقب القلب 


هناك تأخر بسيط في الجلوس و لكن لا يدعو للقلق

اذا اكان تحليل الجينات الوراثية طبيعي يكفي مراقبة نمو الطفل و ستحسن ببطء و خاصة بعد عمر سنة و بعد انغلاق ثقب القلب 

اذا كان العضو الذكري للطفل صغير جدا فقد يكون السبب احد ما يلي :



  1. خطأ في قياس العضو

  2. سبب وراثي 

  3. امراض غدية مثل فشل الغدة النخامية  و هو مستبعد عند طفلك لان طوله جيد و الوزن منخفض قليلا

  4. متلازمات نادرة بسبب خلل الكرموسومات 


سبب وجود لون اخضر في سقف لسان الطفل قد يكون بسبب وجود بقايا حليب او رض على شراع الحنك بسبب البيبرونة 


و يمكن اعطاء الطفل الماء فقط كمحاولة لازالة اللون او استشارة طبيب الاطفال 

و ارى انه يكفي حاليا :


  • مراقبة وزن الطفل من خلال مخطط النمو

  • مراجعة طبيب الاطفال كل شهر 

  • تصوير ثقب القلب مرة كل 6 شهور 


و لا داعي لاجراءات اخرى حاليا

و يمكنك متابعة نمو الطفل من خلال برنامج مخططات النمو هنا 

و ارجو زيارة صفحة اسباب انخفاض وزن الطفل هنا