أسباب تكسر و انحلال الدم عند الأطفال

معلومات الإستشارة
رقم الإستشارة : 7757
المرسل : ريم
البلد : الأردن
التاريخ : 20-11-2020
مرات القراءة : 177
معلومات الطفل
اسم الطفل : جوري
تاريخ ولادته : 7-6-2020
عمره : خمس شهور
جنسه : أنثى
محيط رأسه : لا اعلم
الوزن الحالي : ثلاثةكيلو وثمن مئة
وزن الطفل عند الولادة : ثلاثة كيلو
طوله : لا اعلم
تغذيته : حليب صناعي
معلومات إضافية
تغذية إضافية : لايوجد
سوابق هامة : لايوجد
سوابق عائلية : لا يوجد

نص الإستشارة

مرحبا دكتور هسا انا الي ثلاث سنين متزوجة وحملت ببنت وكان كل اشي طبيعي إلى أن جاء موعد الولادة وانا صايبني طلق ورايح اولد إلى بحكولي البنت متوفية فكرنا انو تكلس مشيمة او اشي عادي وصار حملت بعديها كمان ببنت وكانو يحكو انو طبيعية وناصحة ومافيها اشي على الشهر السابع بس رحت افحص حكالي الدكتور انو عند مقاومة او انو المشيمة رافضة الجنين وصرت اخد ابر هيبارين وحكولي انو صارت الأمور تمام لحديت ما ولدتها ولادة قيصري لانو ولدتها اول التاسع خوف ما تموت زي الأولى بعد ما ولدتها الي بحكولي انو طلعت داون وفي عندها تكسر بالدم ودخلت الخداج عشرين يوم حاولو يغرولها دم ويعالجوها بس مانفع وكان عندها صفار مباشر ودمها بضل ينزل لحديت ماصارت ثلاث اشهر لاحظنا انو مابتنصح وانو بطنها نافخ كتير وازرق فتنا فيها المستشفى فكرو انو معها مرض استقلابي بس ما طلع صورولها كل أعضاء بس كلها طبيعية ومافي اشي وكل اشي شغال بعد شهرونص من دخول المستشفى وقف قلبها بس اسعفوها وصفت عايشة على الأكسجين كان في عندها تضخم بسيط بالكبد والمشكلة الأساسية انو دمها كان كتير ينزل كل أسبوع بدها وحدتين دم وبلازمة وعملو كل الفحوصات من سرطان ثلاسيميا ماطلع عندها اشي وكل أعضائه طبيعية وضلت هيك لطبقت الخمس شهور توفت من كتر السوائل الي بالرئة وحولين القلب والبطن مع العلم انا وزوجي مابنقرب لبعض بل كل واحد من عائلة وانا دمي o- وزوجيa+ وبناتي كانو a+ ومافي عنا حدا بالعيلة هيك لوفكرت الحمل شو الفحوصات الي لازم نعملها انا وزوجي عشان نتجنب انو يصير هاد الاشي مرة ثانية

رد الطبيب

أسباب تكسر و انحلال الدم عند الأطفال


السلام عليكم 

ليس من السهل تحديد سبب وفاة الجنين الاول و سبب وفاة الطفل الثاني 

و لكن حسب الوصف يرجح ان تكون الحالة احد انوع الالفا ثلاسيميا او انحلال الدم بسبب تنافر زمر الدم الفرعية

فهي قد تسبب وفاة الجنين بسبب الخزب الجنيني

او انحلال دم الطفل المتكرر بعد الولادة

و هناك أمراض اخرى نادرة قد تسبب حالات مشابهة مثل :


  1. خلل الكروموسومات

  2. الامراض الوراثية الاستقلابية النادرة


و انصحك قبل الحمل بإجراء :

تحليل الفا ثلاسيما لك و لزوجك 

و اجراء استشارة عند طبيب امراض الدم لك و لزوجك

و استشارة عند طبيب الامراض الوراثية ايضاً

و في حال حدوث حمل :


  • مراقبة الحمل بدقة 

  • و قد يلزم :

  • إجراء بزل سائل امنيوسي إن لزم

  • إجراء تحليل الزغابات المشيمية إن لزم


و ارجو زيارة صفحة انحلال و تكسر دم الجنين هنا

و صفحة الفا ثلاسيميا هنا