عطاس الطفل حديث الولادة
معلومات الإستشارة
معلومات الطفل
معلومات إضافية
نص الإستشارة
لو سمحت يادكتور البنت من يوم مااتولدت وهي بتعطس بس مش بشكل مستمر ومن حوالى يومين بدت تعطس وينزل من فمها حجات زي المخاط
وبترضع عادي جدا مفيش اي مشكله بس جات من ثلاث ايام امها رضعتها اكتر من مره وره بعض فرجعت كل الى فى بطنها وكان ريحت الترجيع وحشه وحصل الترجيع ده مره تانيه بعدها بيومين
ويادكتور انا بلاحظ على البنت انها لما بتنام بلاقيها بتحرك ايديها ورجليها كتير قوي بس مش كل الاوقات
ويادكتور البنت طلعلها حبوب صغيره عامله زي حمو النيل وبتروح من وقت للتاني لما بتستعمل الام زيت جونسون للاطفال
السره وقعت فى اليوم الخامس بعد الولاده بس الى الان ملاحظ عليها انها عامله زي الجرح الى عدى عليها يوم او اتنين عليه زي جلده سوده
ولو سمحت يادكتور مامتها عاوزه تحميها بس الناس بيقولولها لا تستنى الاربعين يوم يعدي عليها
رد الطبيب
السلام عليكم أخ محمد
العطاس خلال ايام بعد الولادة امر طبيعي
و يجح ان يكون سببه تخريش مخاطية الانف بسائل الولادة
و احيانا بسبب الجو المحيط
او بسبب ترجيع الحليب اذا كان من الانف
و حبوب حمو النيل تزول لوحدها و هي تسمى في الطب الحمامى السمية
و كثرة ارضاع الطفل قد تسبب له الترجيع
و حركة الأطراف الفجائية من فترة لاخرى هي امر طبيعي عند المولود الجديد
و بقاء قطعة سوداء مكان السرة امر طبيعي و مؤقت بعد سقوط السرة
و الحمام مسموح من الآن في اي وقت و ينصح به في الجو الحار و 3 مرات بالاسبوع
و طفلتك بخير ان شاء الله