إسهال مائي مستمر عند الطفل منذ أيام

معلومات الإستشارة
رقم الإستشارة : 2189
المرسل : samira
البلد : المغرب
التاريخ : 21-06-2013
مرات القراءة : 18858
معلومات الطفل
اسم الطفل : houyam
تاريخ ولادته : 29-01-2013
عمره : 4 شهور و 20 يوم
جنسه : أنثى
محيط رأسه : ---
الوزن الحالي : 8,4
وزن الطفل عند الولادة :
طوله : 63
تغذيته : حليب الأم
معلومات إضافية
تغذية إضافية : no
سوابق هامة : no
سوابق عائلية : no

نص الإستشارة

السلام عليكم دكتور
كنت بعت ليك إستشاره بس النت عندنا بيقطع معرفتش وصلتك او لا لانو من الصبح ونا بستنى ردك لكن ضنيت إنها موسلتش لحضرتك طمني على بنتي الله يخليك هي عمرها اربع شهور و 20 يوم ومن 9 ايام عندها إسهال مائي ودتها انتينال بس بدون جدوى مع العلم إنو لون البراز اخضر و ساعات بتكون كميه قليله لكن مائيه و ساعات اصفر بتتبرز كتير خصوصا لما بحاول ارضع بتشرب كميه قليله بتتبرز ممكن توصل لغايه 10 حفاضات انا ودتها للدكتور قالي إنو فيروس عندها و كتبلي على دوا قالي ممكن حطت حاجه في فمها ملوثه كتبلي على دوا إسهال و محلول الاملاح عشان الجفاف لما وزنها لقاها 8 كغ 900 و لما رحنا في تالت يوم لقاها 8 كغ 400 قالي إنها خصت و كتبلي على دوا ثاني و قالي اوقف الاملاح لانو الحمد لله معندهاش جفاف بس اديها حليبي. انا مش عارفه ليه مش نافع معاها الدوا مع العلم إنها النهارده عملت 5 حفاضات و البراز كلو اخضر ساعات فيه مخاط هي عاديه جدا و بتضحك و بترضع طبيعي و مابترجعش ولا فيها سخونه و الحمد لله يعني يا دكتور ممكن يكون اعراض تسنين و لا ممكن بقت عندها حساسيه من حليبي ولا تغير عليها جو البلد إحنا سافرنا من لبلد تاني من 20 يوم
هي بتريل كتيييير و كمان اي حاجه بتحطها في فمها و بتمص اي حاجه انا خايفه عليها اوي يا دكتور خصوصا إنها خصت.يا ترى من إيه ده.
هو قالي إني طولها 63 سم هو كويس بالنسبه لوزنها و سنها؟؟؟
سامحني على الإطاله و يا رب يجعلوا في ميزان حسناتك

رد الطبيب

السلام عليكم اخت سميرة

ما حدث مع طفلتك هو نزلة معوية حادة

 واهم ما في الموضوع هو نقص الوزن

 وهذا انذار بحدوث الجفاف

 لذلك يجب تعويض السوائل بكثرة للطفلة عن طريق الفم

و ارضاع الطفلة كثيرا من الثدي

و في حال استمرار الاسهال و نقص الوزن قد تحتاج الطفلة للسوائل بالوريد

 و التسنين لا يسبب الاسهال

و حليب الام لا يسبب الاسهال

 و لكن النزلة المعوية في الصيف مرض منتشر و معدي

 و ارجو زيارة صفحة اسهال الطفل الحاد او النزلة المعوية هنا